2016-06-19

廢人的一天

首先,廢人起身化完兩個鐘妝就可以出街食個美味園林,實在係太好味,不過當日著全白色衫要小心翼翼咁食有啲唔盡興,可惜我男朋友子唔鐘意食,佢呢世都唔會知呢碗野有幾好味,有次買外賣園林阿姐同我講BYEBYE,我覺得好訝異好感動,阿姐終於覺得我是人類

襯男朋友子去波會,我加緊時間去隔離嘅汴京買杯綠茶雪糕,我見老陳話抹茶味濃唔甜同冰粒粗,滿心歡喜睇下今次會唔會又中老陳報嘅伏,點知今次一如老陳所言:抹茶味濃唔甜同冰粒粗,係粗得好交關囉,你有冇食過啲雪糕溶左再雪返戈種雪糕,佢就係戈種質地,係口到溶左係漿住,嘩超級唔O岩我食,我自己覺得好難食,冰粒粗都會有好食嘅雪糕架,九記雪糕一樣冰粒粗,但人地好好味架囉…好彩我隔離戈個冇味覺,即刻比佢食埋佢,又再一次跌入陷阱
戈晚去左灣仔SHERATON食BUFFET,嘩,第一次食BUFFET食兩碗淥麵,因為真係冇野食~原來內地人都好快食完就會走,九點後得返我地一台,O岩曬我地自己自HIGH慶祝生日又冇人理你,灣仔SHERATON大堂靚過澳門好多啊~冇諗過庭園可以咁大個收入室內,好正~~~~







又買野


我呢排思考人生時,已經覺得自己生存再冇意義
係咁做野做OT,全部左手來戶口右手去卡數
一個冇專長目標嘅人加一份安穩工作
原來就係落得如此結果
我需要一些目標~~~~呀~~~啊~~
每次找完卡數都陷入拮据人生
真心過緊廢人生活


呢隻INNER ORGANIC嘅MASK幾好用喎,成4X蚊一塊,唔好用又係要哭出來
買要經代購,良心代購都係加20蚊咋,好感動

\
也是inner organic,原來乳香係好似花露水味,一種過時嘅味道,但搽落係輕飄飄,我唔知好唔好用,因為我皮膚好差der~~

iherb,又係iherb,見9折即刻買牙膏,唔知點解買買下買左咁多野,椰子油,我買黎做乜呢???

之前有隻腳甲撞裂左,Gel左佢勤力搽,慎防可怕嘅灰甲來襲~~~

人生無意義,睇 iherb用家分享啲人話呢隻好用,我又走去買,點知真係好用,好想哭

買咩呢,咁大盒又佈滿曬一粒粒發泡膠子

係一盒咁細嘅base formula 蘆薈gel,因為打完laser好乾,要厚敷鎮靜~~~~~不過睇完成份都係上返iherb買蘆薈gel算,好似成份仲好啲,又係jit裝方便好多~

iherb ge主角,牙膏…

唔知點解我會買埋梳打粉,我知我買黎係用落洗碗,但點解去iherb買,超級市埸賣普通一包都係10蚊,我買左包高級梳打粉廿幾蚊,除左on9....就是on9....不過我要推廣用梳打粉洗野真係超乾淨,之前飲葉綠素,成隻杯會變成綠色用洗潔精洗都洗唔甩,但用梳打粉係洗得甩架~~~咁梳打粉食得點都好過洗潔精啦


2016-06-12

雙眼皮之春~~~


2012年大學畢業那年我開始化妝

我係非常內雙,對眼要畫1CM眼線先會見到我畫左眼線,當然我都唔會畫1CM...

咁就不斷嘗試不同雙眼皮貼,單面雙面膠紙膠條膠水,你講得出嘅我都試過

可惜條件所限,以上都唔會令到我的眼晴貼完變得美麗動人

直至 網狀雙眼皮的出現!!!!


首先睇下我對眼

中學暴肥時期雙眼,經常被恥笑冇眼


高中未化妝影證件相時,打開就是單眼皮咁樣

攝於2016年化眼妝前,有戴COLOR CON

貼左網收雙眼皮嘅眼晴

每日貼雙眼皮,你估真係咁簡單,人地剪少少已可撐起,我係要完整一塊咁由眼線貼到褶位先得,仲要都係一個唔係好明亮GE雙眼皮,仲要成日叉返出黎,每日朝早第一件事就係打起精神用小剪刀剪走曬個網D開叉先~~~唔係貼完D開叉會令到眼好痕~剪完就要貼膠水貼,唉,少不免到中午下午補下佢~~~返去落妝每日都係有排落,貼得耐其實對眼都幾攰,唔貼嘅話化妝黎又好怪對眼咁耐樣。

你都唔知我唔化妝時用鏡望下自己都不咁驚嘆:嘩 點解可以咁醜樣

日思夜想了N年後,我就單拖去左台灣做雙眼皮手術啦,我都想有香香嘅波子眼,但當時我已轉左工…,唔方便大改做~~~咁都係同醫生講,我要自然,唔要人望到我第一眼就諗我係咪整左容~~~咁就落訂3月去整啦~

醫生手勢都唔錯,係打麻醉時有一兩針都痛架,其他就拉拉扯扯冇痛嘅感覺

整完嘅第一日~~~好肚餓整完即刻去餐廳食野,食完返酒店一睇對眼滲血,唔知有冇嚇親人呢,麻醉過左有啲痛感,努力冷敷~~~為此仲BK左啲貴啲嘅酒店,唔係我實住一間房但SHARE 廁所浴室戈啲~~~

第二至六日都係台灣過~~~行動都冇咩點受阻,係戴眼鏡麻煩啲同落雨怕啲雨水滴到眼囉,我消腫消得好快…又冇瘀咁滯,體質幾好~~~~

不過唔洗得頭好煩,係台灣時去左salon洗頭,好舒服~~~~仲幫我吹埋頭,滯留戈兩日我都有返去電髮~~~




問題來了~~~~醫生覆診時話一邊已消九成五,一邊七成~~~你睇下第9日時仲係好明顯,嚇死我~~~就黎要返工鳥咁樣唔得架~~~~好驚唔平衡呀兩邊~~~


5月時影嘅~~~~


其實而家消腫後~~~好多人都話好自然~~咁梗係自然啦~~~一點都唔高嘛~~~可惜自己唔夠條件整高啲~~~而家同以前貼左雙眼皮都差不多~~~化妝落妝1用少好多時間呀!!!真係好值得做~有個同事問我係咪轉左雙眼皮貼,咁我就同佢講我做左雙眼皮,佢話:唔怪得好似唔同左咁啦~~~以為你轉左眼妝~~~







2016-06-11

6月雜碎


某日去做野 … 好熱好熱好熱 !!!
脫離不了要出外嘅工作 !!!

煮左松苑水餃食~


美味嘅八佰伴下午茶~~~YUMYUMYUM

叫左個菇餐,返屋企一開係個珍寶餐,即刻屌到十八樓都聽到,但好熱唔想返去換唯有食左佢,又冇糖漿,內心又準備好曬食煙肉,怒火!!!


 
FD子生日…

竟有人在呢啲咁臭嘅海皮曬被,又多老鼠,痴線!!!

好食~~~~

個醬好漏!!