文昌誕

由考大學戈年起開始拜文昌爺爺
一直唔係話超好運但總算一切算算利利…託賴託福～～～
直至出黎做野我都有繼續拜…一直都有介紹朋友拜
我啲朋友拜完升得仲快過我@@
上年記錯日子文昌誕拜神…激死我
今年我記得啦～～～早一日去阿姨到叫佢執定份寶比我
今日去拎時佢話冇乜人記得文昌誕架，求佢就多，你咁誠心文昌實保祐你啦
係就好嚕～～～
跟住行到半路想買兩枝原子筆拜啦，入間士多問佢有冇，阿叔拎兩枝殘嘅金色轉轉筆比我，超似唔知邊到拎啲贈品，仲話要30蚊，佢都傻B！！！即走啦！！！結果係廟到用１０蚊買左兩枝
去到都廟都擺曬陣，但比想象中少人喎，不過案頭都已經好多簿同原子筆，一定好多阿媽黎幫仔女拜左啦，仲有人點文昌燈，唔知貴唔貴呢？？
下年要記得除左買生果要買花…！！

文昌爺爺保祐我工作順順利利，快啲考高啲考走~~~家人朋友身體健健康康生活愉快！！！