1月雜碎

對1月冇咩印象…

新年第一日有好野食    男朋友子阿媽煮　送埋上黎我地等比雷劈

MAQI曲奇 好食~~

Selfridges特領100蚊買  返到黎覺得好阻碇

芒果好味道

印象中麻麻地  下次要識沾沾粉才煎~~~

貴豬扒真係好食啲 嗚嗚嗚

母親送了啲福字上黎貼

好似係羊扒　啲羊味沾上左好多野　洗碗手套都掉埋　　以後都係整返羊肩　　

千張蛋卷　幾好食wo整得  沾沾自喜

灣仔碼頭　辣水餃好食

house warming ~~~~~ 嘩真係買左好多蝦…結果一pack留返第日煮

美味嘅偉記果盤  好味蛋糕　完美的一夜~~~~~

啲蝦第日變成咁

街頭雜煮個麻辣珍珠真正

我覺得最好食係素魚蛋!!!!!!!!!!!!!!!!!!!!!!!!!!幾可亂真!!!!

呢個廢水帶好好用，不過而家肺炎都係用返膠袋檔一檔

1月尾，銀柳唔靚買唔落手，結果買左棉花，應該可以重用到90歲

bye~~~~~~~~~~~~~~~

買買買買買左乜之 口罩與消毒用品篇

今年新年當然係買口罩
話說上年年尾已經耳聞武漢肺炎
仲以為好小事
點知新年前就愈來愈感到嚴重
都諗住藥房一定買唔到口罩，所以直接網購
今次都冇研究咩標準
所以喺1月21日落左第一張單—　AMAZON US買MEDLINE口罩，由於佢預2月頭先出貨，所以繼續喺其他地方KEEP住睇KEEP住買
跟住就係1月23日喺DOKODEMO落左單
同時都係GMARKET買左KF94口罩
以上全部係直郵，因為唔想經轉運再等同埋比埋轉運費都同直接寄差唔多錢啦，而家見到轉運爆曬貨都好慶幸當初冇轉運
新年假期就一直睇TRACKING幾時出貨幾時到澳門係咁CHECK
同時都有排第一輪澳門口罩配給，因為當時屋企得返一盒十幾個口罩，好擔心呀
同時係咁睇連登網購口罩POST，見到話CUT單，好耐未寄等待，結果開始台灣禁運之類，真係超擔心
結果截到前日，我終於收曬啲口罩，所以都冇再排第2同第3輪口罩配給
在比左啲兩家屋企人後，點算過仲有能力，所以寄左幾盒比香港朋友應急，去DHL時見到好多人寄口罩去香港啊

總結係全部計費基本同口罩一比一，不過考慮到直郵速度我就冇考慮運費
DOKODEMO正常價錢入，冇CUT單—運得最快
其次係AMAZON，正常價錢入，冇CUT單，其實DHL都好快，係SUPPLIER出貨遲少少


GMARKET其實我落左好多單，結果係CUT CUT CUT，同埋有日直頭落唔到單原來第日加曬價，結果第一輪唔算炒價買嘅口罩當然被CUT曬啦，得返最遲1月26日落單嘅口罩有真係出貨，比起而家$20一個KF94，1月26日個價簡直超值價，呢批留到疫情最嚴重時使用。


至於消毒用品，喺IHERB一SEND BABYGANICS 免洗手液到貨通知，即刻通知埋有初生B朋友買，好彩新年前收到貨～因為我到而家都買唔到酒精~~~~~~ 

另外喺AMAZON US買到酒精紙巾直郵返黎，所以都OK，不過想再買時佢已經唔運啦，叫左相熟代購幫手再買

新年前喺百佳買到兩枝漂白水，所以都OK，同埋而家市面都有得買酒精，但因為唔想搭巴士的士，到而家都冇去買，好想買酒精噴鞋底啊~~~

經歷今次，睇黎個災難包要調整一下內容物，當時係為颱風度身打做，等過左疫情要補返啲N95同眼罩同便利雨衣!!!!!

見到香港人係咁排口罩，啲口罩又賣好貴，對香港而家呢個狀況覺得好心up，希望香港唔好社區爆發啦

我都唔明點解而家中港澳仲有人去旅行，見FB啲旅行GROUP啲人講到去係天經地義咁，"唔退錢唯有去"，好不負責任，個個中招別都唔知自己中左架啦，高峰期一定要取消，就好似武漢高峰時你唔想湖北人黎一樣咋嘛，旅行幾時都有得去，蝕都係有限錢JE，唉，唔明!!!

廢up

男朋友子唔比請鐘點　咁日常清潔當然落入我地兩個本來唔使做家務嘅人手中

不過男朋友子媽咪都好鐘意上黎吸塵拖地幫男朋友子熨恤衫　

有時仲送湯連餸餵食梗係無任歡迎

唔好彩有左真係成個B掟佢比佢養大

請返正題　咪又係都要做家務

佢專責倒垃圾洗衫晾衫

我通常喺到洗廁所

真係唔好裝修用白色洗手間　日日見到一地毛都好困擾

有日我終於發現係男朋友子嘅腳毛　OMG

核突到呢

沖完涼努力刮水清排水口頭髮　而家沖涼唔ENJOY

變到佢老母咁日日提佢沖完涼要刮水   仲要肯定係陽奉陰違冇刮

而家肺炎仲要提住洗手先除口罩剝衫掛露台再洗多次手

出街摸完手柄再攬人條腰摸頭髮真刻人憎   當然鬧到傻

不過唔好以為我道德高地好有條理

我都係好鬼呢啡亂糟糟

成日叫我掛返啲初入衣櫃放返啲鞋入鞋櫃

飲完啲野掉入垃圾桶　blablabla

新年前戈個星期有感肺炎殺到 拿拿林上網掃口罩酒精紙巾消毒泡泡 買都買左幾千蚊

買到男朋友子叫我唔好再買

同佢講一日唔收到貨都唔好放鬆 睇新聞又話偷貨又話禁運

結果呢而家咁嚴峻佢唔敢再話我
當然到我話返佢

而家買咩都唔敢出聲叫我唔好再買呀

又真係好好彩收到口罩貨　加上澳門政府有配給

收貨之後都冇再排口罩啦　分左啲比屋企人

仲寄左幾盒比香港朋友　起碼佢唔使再周圍撲口罩

香港真係好慘　感覺冇口罩社區爆發風險高好多

唉等待捱過呢疫　大家待機重新開始

ｂｙｅ～