一個月去到十次八次已經好好要向住廁所拍手掌流眼淚
細個偏食，加上長時間食外賣長大，自已知自己事
但人大左，怕嘅唔係死，係怕癌上腸，要整個袋架
呢一兩年終於正視問題，加上娘親下廚加帶飯，進食大量菜
係就係健康好多，但條腸依然都係唔識陏，五六日去一次好似都係平常事
加上種種症狀 真係覺得大腸癌同我一線之差
但我不能好似我媽咁日日飲潤腸茶呢Ｄ治標唔標本嘅方法
同我忍受唔到個肚咁漲住咁大，點著我啲緊身衫？？？
我要搵一套飲食入手 終於 終於 我搵到啦 我終於一個月可以去到廿Ｘ次啦
太感動 太開心 起碼可以猛車邊叫返正常 我一定要將呢個福音同各位有緣人講：
每日第一飲：
首先準備呢個粉，係我係盛傳 - 健康即磨養生館買返黎嘅潤腸排毒粉，入面係燕麥，蕎麥，山藥，黑芝麻，糙米，葛根，核桃，黃豆，黑豆磨成粉，其實我好憎黑芝麻，不過為了健康，我飲！！！
跟住就係燕麥糠，呢個唔可以冇，水溶性纖維相當重要！！！
每日返到公司食早餐時即刻將排毒粉同燕麥糠加水黎飲，味道還可以啦，就係一陣芝麻味，有得揀梗係唔想飲，不過飲佢真係好掂！！！
每日生果嘅選擇：
每日進食3個奇異果
奇異果有水溶性纖維同好多籽，都係大腸蠕動嘅助推物食火龍果都得，不過我鐘意食奇異果多啲
通常佢係我返工嘅點心。。。
不過我覺得佢冇上面個飲咁重要
因我未飲呢個飲前食六個奇異果都未必有廁所去
飲食入手：
呢啲組合通常係我嘅晚餐
肉／海鮮＋菜＋湯
食乜好好，一定會有好多菜，菜係我身體唔係最重要，我試過食好多菜都唔會有廁所去
不過食多啲身體會好點嘅，我本身好憎食菜，但無計，健康緊要啲
而中午每日都係食：菜＋蝦＋紅米飯＋／蛋
真係好多謝我娘幫我煮，我自己先唔會煮，不過就每個都一抽二袋，好鬼重
不過我呢排成日要返學，冇辦法成日都食到好多菜～～～嗚嗚嗚！！！
假日之選：
由於個排毒粉係好大桶，所以就放左係公司，咁放假係唔會專登返公司飲，所以放假會選擇洋車前子殼取代個粉黎飲
點飲呢，拎一TEA SPOON出黎溝野飲快速飲落肚，好過冇，冇味嘅，呢樽野o係iherb買，好似唔使100蚊
我諗如果腸冇問題嘅人好似我咁食法一定肚ＡＬＬ都似，此法係分享同我一樣便秘非常嚴重嘅人享用，希望你地好似我咁早日解脫！！！！！！！！！！！！
沒有留言:
張貼留言