健康牙齒由錢起

自從年頭做完對眼後，樣貌第一大問題已經移施到牙齒身上
因為有隻大牙已經蛀到得返牙腳（痛死）
同埋十幾年前補過嘅門牙朋友們已經變色
笑起黎好樣衰    搞到我近年都好少露齒笑　又冇得買唇膏　
終於係上年7月鼓起勇氣睇牙　牙醫真係好好手勢都好　係太多客次次都要等好耐
首先比你睇下我啲牙

2014年

2016年6月，一撻撻陰公豬，你想話冇咩野嗎???

比個近鏡你睇 ！！！！！！

臨去睇牙醫前嘅close up ~永別吧，戈隻門牙因為杜過牙根變埋色，而家睇先咁覺~~~原來一直都咁核突～～而四隻可憐的牙都修修補補過，耐左就一撻撻咁，樣衰到呢，門牙係用牙線都入唔到去，好得人驚呀睇返！！！

第一日去睇牙醫好京京，因為好多年都冇睇過，照照片先

原來我一直生牙瘡因為套左牙隻牙牙根杜唔撤底，結果係咁發炎～等我以為自己一直咁熱氣，而佢隔離得返牙腳嘅牙兄弟，醫生好好手勢咁幫我救返兩隻牙等佢地唔使植牙，兩隻一齊杜返曬牙根同套牙套就ok啦～～好彩！！中間仲補過對面啲牙縫蛀牙

醫生有建議我上排八隻牙做牙貼，但由於有四隻牙都係建康牙齒，同一隻都要6000蚊，貴貴加上唔想磨左原本健康的形齒，所以就冇做上排牙貼鳥，而醫生話我四隻門牙補得太多，如果戈買隻做牙貼會好易甩返出黎，所以都係建議我四隻牙做返牙套，等d色整齊啲。

好第一件事打麻醉磨細四隻牙，醫生搞左超耐，

\

就係變成呢啲賓治牙，超敏感，超酸

當然醫生唔會咁樣比你出街見人，在等待新牙齒中就會痴住個臨時假牙先，臨時牙齒其實都真真地，如果我唔姨起曬上排牙比人睇應該都看不出來～不過ｌａｍ落鞋鞋地

第一次，嘩ｄ牙顏色好黃又牙合唔到，仲太厚整到我啃牙咁，由於係門牙關係，醫生會用臨時牙膠痴住比我返去feel下先，我就好失望咁返屋企，心諗唔係呀嘛!!

當然唔收貨啦，本來冇哨牙變哨牙，笑容超奇怪，跟住再整一次，個牙合都係要改改，仲有請醫生叫廠商整返白啲，因為牙套定左色就改唔返，我想整返白ｄ牙呀！終於到第三次，終於整好鳥～～～～終於暫時唔使上去呆等，有幾次真係等到訓著左，好得人驚，但醫生手勢真係好好!!!

終於笑得出啦！！！

仲整齊埋添！！！呵呵呵！！！！！！