五月黎啦！卡數清完又可以再買啦，不過我月中先清卡數
今個月又買左乜呀？
首先買左好多固定支出，CON呀乜呀物呀戈啲
今個月買左好多淘寶（轉季，個個月都轉季），上至踏步機下至五指襪
唔春影啦，打死都唔會話比人知我喺邊間買衫我買嘅衫只有我可以著得到
影埋啲淘寶個BLOG長到下世都睇唔完
打完篇野又要淘淘淘了，不過買黎買去都差唔多
呵呵呵，呢排買咁多野，IHERB都冇錢買，好煩惱！！！
冇順序可言的戰利品
由於之前買屈臣氏送左兩張COUPON，佢又好春麻煩，一張自家醫美品牌（即係得AD+我可以買），一張就醫美品牌，我就一定要洗左佢，左諗右諗都係買個碎粉試下，招左30蚊後250$，都唔平架！！！！開架喎！
剩返戈張三十蚊，買LA ROCHE POSAY 嘅小SET裝，貪枝落妝水可以落下眼妝，其他野應該都可以用下
同事話好用，買左個粉紅色泥先，佢超好六小包，我就一次用一包，再用超大棉花棒上面，乾手淨腳，幾好用喎，都唔貴 1XX-2XX
由於澳門BA買親都唔送SAMPLE，香港買一件都送，所以我屁到去香港先買，唇油，$220，買多枝仲送多SET大野呀，我按住貪心之火先忍到買一枝試下先，心魔真痛苦！！
屈臣氏做緊199八折，本來只想買啡色但得一枝唯有買枝紫色定CHERRY色，用左無限枝，都未用過比佢更好用，$100@
無限囤貨，見到兩枝以上八抑兩眼出火即買兩枝，我而家有五枝喺櫃桶。。。。不過好快用完，原價係４９。５一枝，八折完自己計，真係超出性價比，超ＣＲＥＡＭＹ結實嘅泡泡，仲洗Q自己用洗面網打餐死
某日BA WECHAT話 AD+防曬特價一日195，你可知佢原價係280，仲要從來唔減價，放工即衝去水坑尾屈臣氏點知冇折，結果立即疾走去高士德買，幾驚佢賣曬，我一生人都未見過AD+做咁平嘅折，仲要2021年先過期，員工行過都話員工QUOTA買都冇咁平自己買左好多枝，AD+防曬真係好好用！！！！每次買其他防曬用都會出粒粒，佢就唔會真係好好用！！！！！！！！！！用生命保證
ASOS等左廿幾日終於到達本人手中，PACKING一流
唔係好襯ME.............
收到通知話買正價貨品可以換贈品三件套，去左買精油唇膏，還好啦，唔乾嘅
送呢三樣～我用精華溝double wear個妝真係好靚，但就咁搽精華我皮膚又會出狀況，同８００蚊買枝精華溝粉底又太過奢華
睇catie話好用，真係冇左積線（不過眼頭仲有少少），UD個ＥＹＥ ＢＡＳＥ唔好用囉!
眼睫毛BASE，我覺得另一個牌子效果突出啲喎，不過佢唔會白曬啲毛，漏左搽黑色MASCARA都還好，我真係試過唔記得搽下一層囉，出到去白奶奶啲毛
見特價買嘅防曬BASE，唔多好用
用完男朋友問我做咩條眉橙色
猛然發覺買錯左LASTING SILK，應該買LONGWEAR，但我色號未有貨，上面感都幾好，不過持妝麻麻地2ＤＯＵＢＬＥ ＷＥＡＲ仲排緊第一
唇油，使用感幾好
消委會咪出左報告嘅，我即刻狗衝去買，SO FAR SO GOOD囉，我要為SK2平反，人地都唔係SELL保濕
我記得我買左好多野野，點解睇落唔係咁多？？？
沒有留言:
張貼留言