My Picks of 2018!

買野買到排山倒海

講真啲野邊會用得曬

以下係我2018年最愛!!!

基本子左唇膏（因為好多枝）同香水（唔係成日用！）

其他都日日用架啦～

保濕精華：

1. First Aid Beauty - Ultra Repair Hydrating Serum，好用呀，30ml/$2百頭，透明凝膠狀，貌似真空泵裝，乾淨衛生，無味，最重要係唔怕同化妝品打交，呢樣好重要，好多保濕精華做唔到架！！！不過比極潤相對殷講無咁深程度保濕，所以春夏用比較好，如果日夜用都用得幾快，今年都用左兩三枝～我在Selfridges網購，澳門市面應該冇行貨買到

2. 肌研極潤保濕精華，30g/$189，滴管包裝，沒有味道，好保濕吸收好快，最重要都係唔同底妝打交，近排我一直用緊佢冷落左the first aid ~~~~同埋買佢比較方便，屈臣氏就有啦，萬寧唔知，推介呀

SK-II神仙水，係我無間斷一直使用的產品，用完枝大就用埋朋友呢枝買完唔啱用轉送比我嘅中SIZE，已經囤左枝330ml !我有個同事長年用SK-II神仙水，佢膚質超好呀!

Diptyque - PHILOSYKOS 無花果香水，EDT同EDP我都有，不過味道一樣極快就往事如煙般消失於空氣中…係一款噴黎自HIGH嘅香水，佢係我2018買得最喜歡的～下次我想買ACQUA DI PARMA 個FICO啊!!!

YANAGIYA HAIR TONIC - 雖然我髮量多，但髮線不配合地超高，所以一直珍愛髮線的我，每天洗完頭都會使用呢個，涼涼的幾HIGH，堅持用左咁多枝後我覺得其實係有用架，有排我好似啲阿媽咁生完脫完髮再生返啲BB毛咁，係一執wo，唔係一條wo，呢枝野冇左佢我會哭

成個2018年我都食緊a酸，所以嘴唇係超級乾，以我買咁多唔同款潤唇膏，我覺得幾好用係呢兩個：
1. Dr. Lipp Original nipple balm，雖然叫nipple balm，但都可以搽嘴，呢個真係好用，不過我係beautybay誤打誤撞買，見到個個cm都5星嘛，但又真係幾好用，跟住唔知買咩送左枝小裝，真係有排用，我超級推，因為有次爛嘴角，藥房人員話屋企有凡事林搽凡事林得架啦，返屋企就厚搽佢，第日真係好超多囉!!!!

2. 萬秀蕾敦Melty Cream Lip：呢枝又係超好用，搽完嘴唇軟軟，而家澳門萬寧屈臣氏都有得賣啦，不過7折後都係貴過日本，所以日本要大手入貨買！！！前排限定版抹茶味超正!!!日日用又係好快用完，比DHC好用超多又唔臭!!!!

Kevyn Aucoin The Sculpting Contour Powder medium，日日攞黎打鼻影，都冇咩減少跡象

Hourglass ambient lighting powder incandescent strobe light 又係日日用，都冇咩變化，咁襟用嘅

睫毛都係日本牌子天下

1. Pmeh essence mascara base，揀直係睫毛打底之王，睫完長都算，仲要keep curl，不得了了～佢比kate 個base好用因為佢唔怕搽到啲睫毛白曬，佢好似搽左層膠水上去咁，感覺唔係好似fiber

2. Ettusais lash version up，其實我覺得以mscara自然表現黎講係hourglass最自然，好似自己睫毛好長咁，但係hourglass甩呢！呢枝好得特別係黑色base黎，搽上去又唔係好誇張，普通日子或者唔想有暈染成熊貓眼風險出現嘅話戈日可以單搽呢個就ok，但keep curl冇上面戈枝咁好，不過唔溶呢樣野已經可以原諒佢

Excel 眉筆，冇野好講，就係好用

mote liner，已經算用咁多枝表現最好，嗚嗚嗚，你講得出我都用過都係溶

setting mist，COVER FX當之無愧，超細緻噴霧，Just love it

OSKIA CITYLIFE I-ZONE BALM佢係CULTEBAUTY GOODBAG啲禮物黎，係油膏狀，用指頭點點溫熱佢再搽眼，好用呀～～～～～咁大枝每次咁少用量，唔知幾時先用得完，但係潤嘅，又唔係好覺眼有生油脂粒，又比眼油使用上方便，所以捨左眼油用EYE BALM了～

卸妝始終鍾情Biore卸妝凝露，平靚正

KOH GEN DO CLEANSING SPA WATER，落妝水我用黎卸眼妝多，呢隻真係超溫和，滴入眼都冇咩感覺，非常推薦

落眼睫毛就通常都用KISS ME SPEEDY MASCARA REMOVER

一年來買咁多唇膏，開架最鐘意係KATE 呢枝瘦長形～但色號有啲少，有好多都有閃粉，鐘意佢唔乾，薄又得，厚又得，啲色疉加就會愈深

使用上有啲似CHARLOTTE TILBURRY嘅SUPERSTAR LIPS 嗚嗚嗚!!!!!價錢差幾倍啊!!!!

1. PAT MCGRATH LIP FETISH flesh 6

2. TATCHA PLUM BLOSSOMS

HIGH END就鐘意PAT MCGRATH嘅 LIP FETISH 系列啦，同埋TATCHA PLUM BLOSSOMS，呢兩個牌子唇膏搽上嘴戈刻感覺真係好令人驚喜，尤其PAT MCGRATH LUXE TRANCE系列，不過戈隻色號唔係好襯我...............嗚嗚嗚!!!!!TATCHA真係貴到HIHI（$48蚊.....美金!!)，色號又少少少，希望佢會再出新色啦!!!!

SUQQU 睫毛夾，睫毛系列仍然係日牌天下，SUQQU呢個睫毛夾真係好好用，大家去日本請購買，夾完再搽再用熱睫毛夾夾，很好!!!

NARS EYE PRIMER - 之前用完一枝，係咁搵都搵唔到枝囤貨，我就以前自己唔通中間已經開左黎用但唔記得，咁就去買枝新黎用，點知尋日搵櫃桶，原來係櫃尾橫敝在角落，我呢兩年都唔使再買EYE PRIMER!!!我仲想用完而家用緊戈枝就買NARS有色戈枝EYE PRIMER!!!!嗚嗚嗚!!!!!!!!!!!!!

KOH GEN DO AQUA FOUNDATION 213，太好用啦KGH粉底，乾性皮膚萬勿錯過，不過唔係FULL COVERAGE，返工一定用佢，建議專櫃買，送好多野～

Charlotte Tilbury Skin Perfecting Finishing Powder LIGHT 係咪好核突呀？s已經用左三四盒啦，就算我呢排用緊其他碎粉，我都會用佢黎定眼底妝，因為佢基本冇控油功能，得返個圈都唔好浪費定眼底，同埋我未買RESTOCK呀!!!我有一個祈許，就係2019年唔買新碎粉。

KOH GEN DO SUN PROTECT SPA GEL SPF50+PA++++，呢枝係我買野BA送比我，16G都用到幾耐下，更令我愛上了KOH GEN DO防曬，又係乾皮膚一定要用︿完全唔乾，因為AD+防曬對我而家皮膚狀況黎講有啲乾，AD+其實有另一款防曬霜，但得1X曬度我唔知佢出黎做乜..........呢枝滋潤，唔反白，高防曬度，I LOVE IT ~我已經買左兩枝貨裝黎長用啦～～～～～～

Atorrege AD+ 3R face cream，承上，因為皮膚好乾，我又訴求好潤、要衛生方式取出產品、冇味、唔同底妝護膚品打交嘅FACE CREAM，我搵到了，就係AD+，$3XX，唔算太貴，不過都幾細樣，質地真係油潤嘅油膏，要溫熱按臉黎上，對我黎講幾好用!!!用完要再買一枝，呢枝我冇買水貨啦，因為我用少左好多AD+野，圍返運費逐枝喺屈仔買都啱數嘅～

眼部產品，The Ordinary基本我淨係用呢兩樣，一個係Argireline Solition 10%同Caffenine Solution5%+EGCG，一個我想淡化眼紋一個係消腫，其實用左咁耐都有用，影相時見個眼袋都好左啲，少左以前兩層眼袋嘅樣，所以又平，我都有KEEP住用，搽完呢兩枝我再會搽眼精華同CITYLIFE EYE ZONE BALM~

完～～～～～～～～～～～～～～～～～～～～～～～～～～

BYE~~~~~~~~~~~~